Nokon har kanskje høyrt om Camera Obscura, og viss eg ikkje har misforstått heilt, så er dette same greia...
For dei som ikkje veit kva dette er, så er det kort fortalt at me har tatt bilder med ein blikkboks!
Oppskrift:
Me tok ei kobbarplata, som me banka - bruka ei knappanål til å laga eit lite hol - og pussa, alt dette for å få eit så rundt hol som mogleg, samstundes som kobbarplata skulle vera tynnast mogleg for å få best resultat.
Så tok me ein blikkboks (denne bør vera spraylakka svart inni) og bora eit hol i denne. I dette holet limte me fast kobbarplata (kan og laga hol rett i boksen, men for enklast å få eit bra hol bruka me kopparplata). Hadde noko lakkliknande greier (asfalt oppløyst i bensin?) for å tetta alle hol (untatt det som var laga med nål). Boksen er klar!
Putt inni eit fotoark (negativ), MÅ gjerast i eit mørkerom med spesiallys! Tett igjen med aluminiumsfolie. Når ein skal gå ut for å ta bilete, haldt framfor holet i boksen, slik at dette er lystett.
Så går ein ut og tek bilete! Set boksen ned slik at holet peikar mot ønska motiv ;) Korleis bilete tilslutt blir, avheng av korleis ljoset er og kor lenge boksen står. Her må ein prøva seg fram!
Mine bilete vart tatt med eitt minutt. Det vart vellukka i ljoset den dagen. Andre ting som også spelar inn, er kor stor ein har laga holet, det skal vera minst mogleg.
Her er resultatet:
Dette er bilete slik det såg ut då me hadde framkalla det i mørkerommet :) Artig at det kan koma noko slik utav ein blikkboks med eit ark inni som bare har stått ute i eit minutt!
Då me hadde skanna bilete inn på dataen og jobba litt med det i PhotoShop, fekk me nokon fleire spanande bileter. Her kjem nokon av dei :D
